გამოქვეყნდა “პატაფიზიკის კოლეჯის ჟურნალში” (n°3-4, 22 haha 78 E.P.)
მამა იუბიუ:
ნაცრისფერი ჟილეტი, მარჯვენა ჯიბეში მუდამ ხელჯოხი, ნესვისებური ქუდი.
მეორე მოქმედების მეორე სცენიდან: გვირგვინი ქუდზე.
მეორე მოქმედების მეექვსე სცენა: თავშიშველი.
მესამე მოქმედების მეორე სცენა: გვირგვინი და სამეფო მოსასხამი, თეთრი თავსაბურავი.
მესამე მოქმედების მეოთხე სცენა: გრძელი ლაბადა, ყურებიანი სამგზავრო ქუდი
მესამე მოქმედების მეშვიდე სცენა: იმავე სამოსში, მაგრამ თავშიშველი.
მესამე მოქმედების მერვე სცენა: ლაბადა, მუზარადი, ქამარში გარჭობილი ხმალი, კაუჭი, მაკრატელი, დანა და მარჯვენა ჯიბეში კვლავ ხელჯოხი. ჩამოკიდებული მათარა დუნდულზე ეჯახუნება.
მეოთხე მოქმედების მეხუთე სცენა: ლაბადა და ქუდი, უიარაღოდ და უჯოხოდ.
გემის სცენაში – ხელში ჩემოდნით.
დედა იუბიუ:
დამლაგებლის სამოსი, ვარდისფერი და ბუმბულებიანი ქუდი, გვერდზე გადაკიდებული ჩანთა-ბადით.
სადილის სცენაში – წინსაფრით.
მეორე მოქმედების მეექვსე სცენიდან: დედოფლის მოსასხამში.
ასისთავი არშია:
უნგრელი მუსიკოსის სამოსი, წითელი, ძალიან შემოჭერილი. დიდი მოსასხამი, დიდი მახვილი, დაკბილული ჩექმები, ბუმბულებიანი “ჩაპსკა” (პოლონური სამხედრო ქუდი).
მეფე ვენცელი:
სამეფო მოსასხამი და გვირგვინი, რომლებსაც იუბიუ მოირგებს მეფის მკვლელობის შემდეგ.
დედოფალი როზმონდა:
მოსასხამი და გვირგვინი, რომლებსაც შემდეგ დედა იუბიუ მოირგებს.
ბოლესლავი, ვლადისლავი:
პოლონური სამოსი, ნაცრისფერი, მუნდირის შესაკრავებით, მოკლე შარვლები.
ხულიგავი:
ჩვილის სამოსი და ქუდი.
გენერალი ლასი:
პოლონური სამოსი, ორკუთხა ნაპოლეონისეული ქუდი თეთრი ბუმბულებით, ხმალი.
სტანისლავ ლეშჩინსკი:
პოლონური სამოსი, თეთრი წვერი.
იან სობიესკი, ნიკოლა რენელი:
პოლონური სამოსი.
ცარი ალექსი:
შავი სამოსი, დიდი ყვითელი სარტყელი, სატევარი და მედლები, დიდი ჩექმები, შემზარავი წვერი, შავი წვეტიანი კონუსისებური ქუდი.
თახსარები:
დიდი წვერებით, ძნეხვისფერი სქელი ლაბადებით.
ხალხი:
პოლონურ სამოსში.
მიხეილ თედორეს ძე:
ბეწვის ქუდით.
დიდგვაროვნები:
პოლონურ სამოსში, არშიაშემოვლებული და მოქარგული ბეწვის ქურქებით.
მსაჯულები:
შავ მანტიებში, მოსამართლის ქუდებით.
მრჩევლები, ფინანსისტები:
შავ მანტიებში, ასტროლოგის ქუდებით, სათვალეებით, წვეტიანი ცხვირებით.
გლეხები:
პოლონურ სამოსში.
პოლონეთის ჯარი:
ნაცრისფერი ბეწვის ქურქებით და მუნდირის შესაკრავებით, თოფებით (სულ მცირე, სამი კაცი).
რუსეთის ჯარი:
ორი მხედარი, პოლონელების მსგავს, მაგრამ მწვანე ფერის სამოსში, ბეწვის ქუდებით, მუყაოს ცხენებით.
რუსი ქვეითი:
მწვანე სამოსში, ქუდით.
დედა იუბიუს მცველები:
პოლონურ სამოსში, შუბებით.
დათვი:
ასისთავი არშია დათვად გადაცმული.
მაყუთულაყი:
ბორბლებიანი ხის ცხენი ან მუყაოს ცხენის თავი, სცენების მიხედვით.
ეკიპაჟი:
ორი კაცი, მეზღვაურის ცისფერი, საყელოებიანი მაისურით.
გემის კაპიტანი:
ფრანგული საზღვაო ოფიცრის ფორმით.
© არილი